پی ٹی آئی نے پنجاب کے ضمنی انتخابات میں دھاندلی روکنے کیلئے حکمت عملی تیارکر لی

لاہور( ا ین این آئی)پنجاب کے ضمنی انتخابات میں دھاندلی روکنے کیلئے تحریک انصاف کے 5ہزار نوجوان ڈیوٹی دیں گے ،

پولنگ اسٹیشنز میں وکلا ء کو پولنگ ایجنٹ مقرر کیا جائے گا ۔تفصیلات کے مطابق پنجاب کے ضمنی انتخابات میں دھاندلی روکنے

کیلئے تحریک انصاف نے حکمت عملی تیار کرلی۔ذرائع کا کہنا ہے کہ پنجاب کے 20حلقوں پر پی ٹی آئی کے 5ہزار نوجوان ڈیوٹی دیں گے

اور دھاندلی روکنے کیلئے پولنگ اسٹیشنز میں وکلا ء کو بطور پولنگ ایجنٹ مقرر کیا جائے گا۔ذرائع نے بتایا کہ وکلا ء یونیفارم میں ملبوس ہوں گے

تاکہ غیر قانونی عمل کے خلاف کارروائی کراسکیں۔ذرائع کے مطابق لیڈیز پولنگ اسٹیشنز پر بھی تحریک انصاف کی خواتین ورکز ڈیوٹی دیں گے ،

خواتین کوپولنگ اسٹیشنز پر لے جانے کے اقدامات ہوں گے۔ذرائع کا کہنا تھا کہ الیکشن کے دن تحریک انصاف کی قیادت امیدواروں کیساتھ رابطے میں رہے گی،

مقدمات میں گرفتاری سے بچنے کے لیے تمام رہنمائوں کی ضمانتیں کرائی جائیں گی۔