پی آئی اے میں نئے طیاروں کی شمولیت
اسلام آباد (این این آئی)پی آئی اے کے فضائی بیڑے میں نئے طیاروں کی شمولیت کا عمل جاری ،رواں سال کا دوسرا ائیربس 320 طیارہ شارجہ سے پاکستان پہنچ گیا ۔
تفصیلات کے مطابق پہلا جہاز 29 اپریل کو پاکستان آیا تھا اور اب آپریشنل خدمات سرانجام دے رہا ہے،پی آئی اے نے گزشتہ برس طیاروں کے حصول کا ٹینڈر کیا تھا جس میں سے دو طیارے رواں سال پاکستان پہنچے۔
مزید دو طیارے آئندہ چندروز میں پاکستان کو مل جائیں گے ،ان طیاروں کی پی آئی اے میں شمولیت سے ائیربس 320 طیاروں کی تعداد 14 ہوجائے گی ۔
ترجمان کے مطابق طیارہ نئی نشستوں، جدید اور آرام دہ کیبن سے لیس ہے۔ترجمان پی آئی اے کے مطابق طیارہ اندرون ملک، ریجنل اور گلف کے روٹس پر چلایا جائے گا ۔
طیارہ 6 سالہ ڈرائی لیز پر حاصل کیا گیا ہے۔ترجمان کے مطابق لیز مدت کے اختتام پر باہمی رضامندی کے ساتھ پی آئی اے اس طیارہ کو اپنی ملکیت میں لے سکتا ہے۔
