پشاور(مانیٹرنگ ڈیسک) تھانہ دائود زئی کی حدودمیں درجنوں افغان باشندوں نے جلوس کے دوران افغانی پرچم لہراتے ہوئے پاکستان کے خلاف نعرہ بازی کرتے ہوئے ہوائی فائرنگ کی اور خوف و ہراس پھیلا دیا ۔
جنگ اخبار کی رپورٹ کے مطابق تھانہ دائود زئی کے اے ایس آئی کی جانب سے درج ہونے والی ایف آئی آر کے مطابق گزشتہ روز اطلاع ملنے پر شاہ عالم پہنچے تو وہاں چند افغان باشندے جلوس کی شکل میں جارہے تھے جنہوں نے افغانستان کے جھنڈے لہرائے ہوئے تھے اور وہ پاکستان کے خلاف نعرہ بازی کرتے ہوئے ہوائی فائرنگ کررہے تھے اور وہ دونوں ملکوں کے مابین نفرت پیدا کررہے تھے جلوس کی نگرانی منصور ٗقاری نور محمد ٗسمیع اللہ ٗنوید او ر سلمان کررہے تھے پولیس کے پہنچنے پر جلوس کے شرکاء منتشر ہو گئے اس دوران پولیس نے جلوس میں شریک افغان باشندوں نوید اور سلیمان کو گرفتار کرکے ان کے قبضہ سے دو عدد پستول اور کارتوس برآمد کر لئے پولیس نے ملزمان کے خلاف مقدمات درج کر لئے۔یاد رہے کہ اس سے قبل بھی ایسے واقعات رونما ہوچکے ہیں جو دونوں ممالک کے درمیان نفرت کو پروان چڑھا رہے تھے ۔
