شمالی وزیرستان،فورسز کی کارروائی میں 6 دہشت گرد ہلاک، جوان شہید

راولپنڈی(این این آئی)شمالی وزیرستان میں سکیورٹی فورسز نے آپریشن کے دوران 6 دہشت گردوں کو ہلاک کر دیا،

فائرنگ کے تبادلے میں ایک جوان شہید ہوگیا۔پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے

دتہ خیل میں آپریشن کیا جس میں چھ دہشت گرد مارے گئے۔آئی ایس پی آر کے مطابق آپریشن دہشت گردوں کی موجودگی

کی اطلاع پر کیا گیا، ہلاک دہشت گردوں سے اسلحہ اور گولہ بارود بھی برآمد ہوا ہے۔ہلاک دہشت گرد سکیورٹی فورسز کے

خلاف دہشت گرد کارروائیوں میں ملوث تھے۔ فائرنگ کے تبادلے میں 34 سالہ لانس نائیک اسلام الدین بہادری سے لڑتے ہوئے شہید ہوئے۔

ترجمان پاک فوج کے مطابق آخری اطلاعات تک علاقے میں ممکنہ دہشت گردوں کے خاتمے کے لیے آپریشن جاری تھا۔

خیال رہے کہ صبح دتہ خیل میں سکیورٹی فورسز اور دہشت گردوں کے درمیان جھڑپ میں چار دہشت گرد ہالک ہوئے تھے۔ ہلاک دہشت گرد فورسز کے خلاف دہشت گرد کارروائیوں میں ملوث تھے۔