سابق امریکی مشیرکا بڑااعتراف

واشنگٹن (این این آئی) امریکا کے سابق قومی سلامتی مشیر جان بولٹن نے دوسرے ممالک میں بغاوت کی منصوبہ بندی میں مدد کرنے کا اعتراف کر لیا۔

امریکی میڈیا کو دیئے گئے انٹرویو میں جان بولٹن نے کہا کہ بغاوت کی منصوبہ بندی کی مدد میں بہت زیادہ کام کرنا پڑتا ہے۔

امریکی میڈیا کے مطابق جان بولٹن نے وضاحت نہیں کی کہ کن ممالک میں بغاوت کی منصوبہ بندی میں مدد کی۔

خیال رہے کہ جان بولٹن 2018سے 2019تک سابق امریکی صدر ڈونلڈٹرمپ کے قومی سلامتی مشیر رہے تھے، اپنے عہدے پر رہتے ہوئے جان بولٹن نے وینیزویلا میں امریکی فوج کی مداخلت کی وکالت کی تھی۔