لندن (این این آئی)برطانیہ میں درجہ حرارت 30سینٹی گریڈ سے بڑھنے کے امکان کے باعث بعض حصوں کیلئے ہیلتھ الرٹ جاری کی گئی ہے۔ میڈیا رپورٹ میں بتایا گیا ہے کہ ملک کے بعض حصوں میں درجہ حرارت لاس اینجلس اور ماربیلا سے بھی زیادہ گرم ہے اور الرٹ لیول بھی تھری تک بڑھا دیا گیا۔میڈیا رپورٹ کے مطابق موسمیاتی تبدیلیوں کے سبب گرمی کی لہر کی شدت میں اضافہ ہو رہا ہے۔ رپورٹ کے مطابق پیر اور منگل کو لندن میں درجہ حرارت 31سینٹی گریڈ تک رہنے کی پیشگوئی کی گئی ہے جبکہ گرمی کی یہ لہر آئندہ ہفتہ کے وسط تک جاری رہنے کا امکان ہے۔ ادھر یو کے ہیلتھ سیکورٹی ایجنسی نے کہا ہے کہ عوام براہ راست سورج کی روشنی سے بچیں۔

موضوعات:برطانیہ