لاہور(این این آئی)قومی احتساب بیورو کے ڈائریکٹر جنرل شہزاد سلیم نے طیبہ گل کو 10 کروڑ روپے ہرجانے کا نوٹس بھیج دیا۔ڈی جی نیب شہزاد سلیم کا کہنا ہے کہ میری کال ریکارڈ کر کے آڈیو کو غلط استعمال کیا گیا، طیبہ گل کے معاملے میں جو بھی کارروائی کی وہ قانون کے مطابق تھی۔شہزاد سلیم نے کہا کہ طیبہ گل کے خلاف شکایات نیب لاہور کو موصول ہوئی تھیں، طیبہ گل ایک کیس میں مدعی اور ایک کیس میں ملزم رہیں۔دوسری جانب ترجمان نیب نوازش علی کا کہنا ہے کہ طیبہ گل سے میری کبھی ملاقات نہیں ہوئی، انہوں نے میرے حوالے سے غلط بیانی کی۔