سیاحوں کے لئے خوشخبری، حکومت نے عید پر بہارہ کہو سے مری کے لئے بسیں چلانے کا اعلان کردیا
اسلام اباد (آن لائن) پنجاب حکومت نے مری آنے والے سیاحوں کے لیے انقلابی قدم اٹھاتے ہوئے عید پر بہارہ کہو سے
مری کیلئے 15 بسیں چلانے کا اعلان کیا ہپے۔ڈپٹی کمشنر راولپنڈی طاہر فاروق کے مطابق پنجاب حکومت کی طرف سے
بہارہ کہو سے مری کے لیے 15 بسیں چلائی جائیں گی۔ بس سروس عیدالاضحیٰ کے موقع پر 3 دن کے لیے چلے گی۔
بس سروس بہارہ کہو گرین لائن بس سٹینڈ سے اپنے سفر کا آغاز کرے گی۔ڈپٹی کمشنر راولپنڈی کا کہنا ہے کہ
مسافروں سے 100 روپے فی کس کے حساب سے کرایہ چارج کیا جائے۔ فیملیز کو ترجیح بنیادوں پر سفری سہولیات فراہم کی جائے گی۔
بس سروس سے مری میں ٹریفک میں کمی آئے گی۔ بس سروس میں سفر کرنے والی فیملیز کو مری میں فری شٹل سروس کی سہولت فراہم کی جائے گی۔
