لاہور (آن لائن ) پاکستان کرکٹ بورڈ (پی سی بی) نے معدے کے مرض میں مبتلا سابق وکٹ کیپر ذوالقرنین حیدر کے علاج کا خرچ اٹھا لیا۔ میڈیا رپورٹ کے مطابق پی سی بی کے ڈائریکٹر نیشنل ہائی پرفارمنس سینٹر ندیم خان اور جی ایم ڈومیسٹک جنید ضیا نے ذوالقرنین حیدر کی عیادت کی اور انہیں امدادی چیک پیش کیا۔ اس موقع پر وکٹ کیپر بیٹر نے پاکستان کرکٹ بورڈ کا شکریہ ادا کیا۔یہ واضح نہیں ہے کہ پی سی بی کی جانب سے کتنی رقم کا چیک دیا گیا ہے تاہم رپورٹس کے مطابق پی سی بی نے ذوالقرنین حیدر کے علاج کے اخراجات اٹھا لیے ہیں۔