مکہ مکرمہ (مانیٹرنگ ڈیسک) حج کرنے کی خواہش ہر مسلمان رکھتا ہے لیکن اللہ کے گھر کا دیدار کرنے کے لئے اپنے گھر کو فروخت کر دینا بہت دل گردے کا کام ہے۔ سوشل میڈیا پر ایک شخص کے بارے میں وائرل ہے جس نے حج کرنے کے لئے اپنا گھر فروخت کر دیا، اس عمر رسیدہ شخص کا کہنا ہے کہ وہ اپنے اللہ سے گناہوں کی معافی مانگنا چاہتا تھا اسی وجہ سے اس نے حج پر جانے کے لئے اپنا گھر بیچ دیا، اس پر لوگوں نے تبصرہ کرتے ہوئے کہا کہ اس شخص نے اپنا گھر بیچ کر سرچھپانے کی جگہ کھو دی ہے لیکن اپنی آخرت سنوار لی ہے۔