لاہور (آن لائن) فیڈرل بورڈ آف ریونیو (ایف بی آر) نے برصغیر پاک و ہند کے معروف گلوکار راحت فتح علی خان کو چار کروڑ روپے سے زائد کا انکم ٹیکس عائد کردیا ہے۔ بتایا گیا ہے کہ ایف بی آر نے یہ ٹیکس راحت فتح علی خان کے بعض خفیہ بینک اکاؤنٹس کا سراغ لگا کر ان پر عائد کیا ہے۔ راحت فتح علی خان پر الزام عائد ہے کہ انہوں نے مذکورہ بینک اکاؤنٹ چھپائے رکھے تاہم ایف بی آر کی جانب سے سال 2016 کا آڈٹ کرنے پر ان بینک اکاؤنٹ کا سراغ لگایا گیا تھا۔ ایف بی آر نے راحت فتح علی خان کو انکم ٹیکس کی مد میں 4 کروڑ 23 لاکھ 22 ہزار روپے سرکاری خزانہ میں جمع کروانے کے لئے ایک ماہ کی مہلت دے دی ہے۔