چار بچوں کو بچانے کیلئے کورنگ نالے میں چھلانگ لگانے والے شخص کی ویڈیو منظر پر آگئی
اسلام آباد (این این آئی)کورنگ نالے میں 4 بچوں کوبچانیکی کوشش میں ڈوبنے والے شخص کی نماز جنازہ ادا کردی گئی۔
راجہ محمودکی نماز جنازہ ان کے گاؤں ماندلہ میں اداکی گئی۔ راجہ محمود نے4بچوں کو بچانے کیلئے کورنگ نالہ میں چھلانگ لگائی تھی
بعد ازاں چاروں بچوں کو ریسکیو اہلکاروں نے بچالیا تھا لیکن راجہ محمود لاپتہ ہوگیا تھا۔راجہ محمود کی لاش راول ڈیم سے ملی۔
راجہ محمود بنی گالہ کے قریب ایک ہاؤسنگ سوسائٹی میں ڈرائیور تھا، راجہ محمود کی کورنگ نالے میں چھلانگ لگانے کی ویڈیو بھی منظر پر آگئی ہے
جس میں راجہ محمود کو چھلانگ لگانے کے بعد نالے میں بہتے ہوئے دیکھا جاسکتا ہے۔ریسکیو ٹیموں نے گزشتہ روز
راجہ محمود کی تلاش کیلئے دن بھر آپریشن جاری رکھا تھا،کورنگ نالے میں ڈوب کر جاں بحق ہونے والا راجہ محمود تین بیٹوں اور ایک بیٹی کا باپ تھا۔
