لاہور( این این آئی) محکمہ ریلوے نے عیدالاضحی کے موقع پر ٹرینوں کے کرایوں میں کمی کا اعلان کر دیا۔ عید کے تینوں ایام میں ٹرینوں کے کرایوں میں 30 فیصد کمی کی گئی ہے اور اس کا اطلاق تمام ٹرینوں کی اکانومی، اسٹینڈرڈ اے سی، اے سی بزنس اور اے سی سلیپر سمیت تمام سفر کے تمام درجوں پر ہوگا۔محکمہ ریلوے کی جانب سے کرایوں میں کمی کا نوٹیفکیشن بھی جاری کردیا گیا ہے اور اس سہولت سے استفادہ اٹھانے والوں کے لئے بکنگ کا آغاز بھی کردیا گیا ہے۔ عید کے تینوں ایام میں ٹرینوں اور کرنٹ ٹکٹ پر بھی 30 فیصد رعایت ہوگی۔