خواجہ آصف پی ٹی آئی پر برس پڑے

اسلام آباد (این این آئی)وزیر دفاع خواجہ آصف نے کہا ہے کہ 100 یونٹ بجلی مفت کرنے سے غریب کو ریلیف ملے گا۔

اس سے پی ٹی آئی کو کیا تکلیف ہے؟۔ ایک انٹرویومیں انہوں نے کہا کہ 100 یونٹ بجلی مفت کرنا پری پول رگنگ نہیں ، بجلی پر یہ رعایت پہلے بھی دی جاتی رہی ہے۔

وفاقی وزیر نے کہا کہ غریب کو سْکھ کا سانس مل رہا ہے تو پی ٹی آئی کو اْس پر کیا اعتراض ہے؟ وہ بھی خیبر پختونخوا میں ایسا کرلیں۔

مبینہ آڈیو ٹیپ پر بات کرتے ہوئے خواجہ آصف نے کہا کہ بشریٰ بی بی کا سیاست سے تعلق ثابت ہوگیا ہے۔

سیاست جیسے کام میں جب آپ دخل اندازی کرتے ہیں تو تنقید کے دائرے میں بھی آتے ہیں اور ہاتھ اور کپڑوں پر داغ بھی لگتے ہیں۔

وزیر دفاع خواجہ آصف نے کہا کہ تحریک انصاف کو چیلنج کیا ہے کہ بشریٰ بی بی کے آڈیو کا فارنزک کروالیں، یہ آڈیو سب سے بڑا ثبوت ہے کہ کوئی سازش نہیں ہوئی۔