اسلام آباد (این این آئی)ترجمان پیپلزپارٹی فیصل کریم کنڈی نے کہاہے کہ اگر عمران خان خود کشی کرنے کا وعدہ پورا کرتے تو ملک کے یہ حالات نہ ہوتے ۔ اپنے بیان میں فیصل کریم کنڈی نے کہاکہ عمران خان نے معاہدے ہی ایسے کیئے تھے جس کا خمیازہ آج ملک اور قوم بھگت رہی ہے ۔ انہوںنے کہاکہ پٹرول قیمتوں میں اضافے کا سبب بھی عمران خان کے کیئے ہوئے معاہدے ہیں۔ انہوںنے کہاکہ ہم نے مشکلات کو چیلنج سمجھ کر قبول کیا ہے انشاء اللہ قوم کے سامنے سرخرو ہونگے ۔ انہوںنے کہاکہ اسد عمر کو معیشت اور شاہ محمود کو خارجہ امور پر بات کرتے ہوئے شرم نہیں آتی، عمران خان کو پالتے ہوئے خیبر پختونخوا کی حکومت کنگال ہو چکی ہے ۔ انہوںنے کہاکہ خیبر پختونخوا کے عوام کا پیسہ عمران خان کے جلسوں پر خرچ ہو رہا ہے