خیبرپختونخوا حکومت نے سابق گورنر شاہ فرمان کو پنشن اور شاہانہ مراعات دینے کی تیاری شروع کردی
پشاور(این این آئی)خیبرپختونخوا حکومت نے سابق گورنر شاہ فرمان کو پنشن اور شاہانہ مراعات دینے کی تیاری شروع کردی۔
سابق گورنر کو پنشن کی مد میں ماہانہ 68 ہزار روپے کے ساتھ دیگر مراعات بھی ملیں گی،متعلقہ محکموں کو خط بھی لکھ دیا گیاہے۔
خیبرپختونخوا حکومت نے سابق گورنر شاہ فرمان کو پنشن اور مراعات دینے کی تیاری شروع کردی ہے ۔
ایڈمنسٹریشن ڈیپارٹمنٹ نے سابق گورنر کو پنشن اور مراعات کیلئے متعلقہ محکموں کو خط لکھ دیا،جس کے مطابق سابق گورنر شاہ فرمان
کو پنشن کی مدمیں ماہانہ 68 ہزارروپے ملیں گے ، شاہ فرمان کواپنے ساتھ 3 عددممنوعہ اور 6عددغیر ممنوعہ اسلحہ رکھنے کی اجازت ہوگی،
سابق گورنر کو ملک کے تمام گورنر ہائوسز،ریسٹ ہائوسز تک آزادانہ رسائی حاصل ہوگی،شاہ فرمان کو گھر میں 3 ہزار روپے تک فری ٹیلیفون کی سہولت میسر ہوگی ،
سابق گورنرکو 5 سال تک ڈرائیور اور محکمہ پولیس سے ایک گن مین رکھنے کی سہولت فراہم کی جائے گی ،سابق گورنر خیبرپختونخوا کو 4 سال تک سٹینو گرافر کی خدمات بھی حاصل ہوں گی۔
