اسلام آباد (این این آئی)وزارت توانائی کے پیٹرولیم ڈویژن نے کہا ہے کہ روسی خام تیل پاکستان کو مہنگا پڑیگا، روس سے خام تیل خریدنے میں ٹرانسپورٹ چارجز بہت آئیں گے۔ذرائع پیٹرولیم ڈویژن کے مطابق روسی خام تیل کو پاکستان میں ریفائن کرنا کوئی مسئلہ نہیں تاہم روس سے خام تیل کی درآمد میں 30 دن تک لگ سکتے ہیں، لیکن یہ بھی دیکھنا ہوگا کہ روس سے خام تیل خریدا بھی جاسکتا ہے یا نہیں۔ذرائع پیٹرولیم ڈویژن کے مطابق دیکھنا ہوگا کہ روس پر عائد پابندیاں خام تیل درآمد میں حائل ہوسکتی ہیں یا نہیں۔ ذرائع کے مطابق وزارت خارجہ کی جانب سے روس سے خام تیل کی درآمد سے متعلق پوچھا گیا تھا جس کے بعد روس سے خام تیل کی خریداری سے متعلق آئل ریفائنریز سے تجاویز مانگی گئی ہیں۔

موضوعات:روسی خام تیل