لاہور( این این آئی) گھی اورکوکنگ آئل میں قیمتوں میں 70سے 80روپے فی کلو کمی بعد گھی ملوں نے سیل روک دی،کوکنگ اور گھی کا بحران پید اکرنے منصوبہ بنا لیا گیا۔
قیمتوں کمی پر منافع خور،ذخیزہ اندوز،ڈیلراور ایجنٹ پریشان، گذشتہ 6ماہ کے دوران کوکنگ آئل اور گھی کی قیمتوں میں 300گنا اضافہ کیا گیا ، شہریوں کا گھی ملوں کیخلاف کارروائی کا مطالبہ۔تفصیلات کے مطابق انڈونیشیا سے خام پام آئل درآمد کرنے بعد خوردنی تیل اور گھی کی قیمتوں کمی ہونا شروع ہوگئی، اوپن مارکیٹ میں 600روپے فی کلو تک فروخت ہونے والا گھی اس وقت 540سے 500روپے تک فروخت ہورہا ہے۔ گذشتہ 6سے 8ماہ کے دوران خوردنی تیل اور گھی کی قیمتوں میں 300گنا اضافہ ہوگیا تھا، گھی اور کوکنگ آئل کی قیمتوں میں مسلسل کمی سے منافع خور،ذخیزہ اندوز،ڈیلراور ایجنٹ پریشان ہیں جبکہ خوردنی تیل اور گھی کی قیمتوں میں کمی کے خوف سے ملک بھر کی گھی ملوں نے سیل بند کردی تاکہ خوردنی تیل اور گھی کا بحران پیدا ہوسکے اورقیمتوں میں مزید کمی نہ ہو،اس سلسلہ میں شہریوں نے حکومت سے مطالبہ کیا ہے کہ مصنوعی مہنگائی کرنے والوں کے خلاف سخت سے سخت کارروائی کی جائے۔
