ممبئی(نیوزڈیسک)انتہا پسند ہندوتنظیم مہاراشٹرنوی نرمان سیناکے سربراہ راج ٹھاکرے کی بیوی کو ان کے پالتوکتے نے حملہ کرکے شدیدزخمی کردیاجسے فوری طورپراسپتال منتقل کردیاگیاجہاں ان کے چہرے کی سرجری کرنا پڑی اور65ٹانکے لگائے گئے،بھارتی میڈیاکے مطابق ممبئی کے ایک پرائیویٹ اسپتال میں داخل شرمیلاٹھاکرے کا علاج کرنے والے ڈاکٹرنے بتایاکہ مریضہ کی صحت پہلے سے کافی بہتر ہے اوران کے چہرے کی سرجری کی گئی ہے،راج ٹھاکرے نے واقعے کی تفصیل بتاتے ہوئے کہاکہ ان کی اہلیہ شرمیلاٹھاکرے گزشتہ روزاپنے پالتوکتے کو ساتھ لیکرنزدیک پارک میں ٹہلانے لے گئی اس دوران کتے نے ان پرحملہ کرکے انہیں شدید زخمی کردیا،انہوں نے بتایاکہ حملے سے شرمیلا کے چہرے پر شدید زخم آئے ہیں ۔