اسلام آباد(نیوز ڈیسک)حکومت نے کپاس کے کاشتکاروں کو ریلیف دینے کیلئے مختلف تجاویز پر غور شروع کر دیا ہے، جن کے تحت مختلف شعبہ جات میں سبسڈی دی جائےگی۔قومی اسمبلی کی قائمہ کمیٹی برائے ٹیکسٹائل انڈسٹری نے کپاس کے کاشتکاروں کو سہولت فراہم کرنے کےلئے مختلف سفارشات پیش کیں ہیں، جن میں پیدواری لاگت کم کرنے کے لئے کھاد سمیت کیڑے مار ادویات کو سیلز ٹیکس سے استثنیٰ اور کاشتکاروں کو کیش سبسڈی فراہم کرنے کی تجویز شامل ہے کمیٹی کے مطابق زراعت کے شعبے پر جی ایس ٹی ہٹانے کا مقصد بلند پیداواری لاگت کے ستائے کسانوں کی مشکلات کو کم کرنا ہے۔