اسلام آباد(این این آئی) پاکستان پیپلزپارٹی سینیٹر مصطفی نواز کھوکھر نے کہا ہے کہ سرکاری عہدیداروں سے مراعات واپس لی جائیں،یہ مذاق اب ختم ہونا چاہئے،تفصیلات کے مطابق پیپلزپارٹی سینیٹر مصطفی نواز کھوکھر نے ٹوئٹر پر پیٹرولیم مصنوعات کی قیمتوں میں اضافے پر کہا کہ سیاسی، عسکری، عدالتی اشرافیہ کی ناکامیوں کوعوام کیوں برداشت کریں؟ یہ مذاق اب ختم ہونا چاہئے۔مصطفی نواز نے کہا کہ ایک طرف عام آدمی کو پیٹ پر پتھر باندھے پر مجبور کیا جا رہا ہے، سیاستدانوں،جرنیلوں، ججز، بیورو کریٹس کی تنخواہ بھی آدھی کی جائے، سرکاری عہدیداروں سے مراعات واپس لی جائیں۔