لاہور(این این آئی)مسلم لیگ (ن) کی نائب صدر مریم نواز نے کہا ہے کہ ہمیں عوام کی تکلیف کا ادراک بھی ہے اور احساس بھی ہے،اس مشکل ترین معاشی صورتحال میں بھی حکومت پوری توجہ، محنت اور لگن سے عوام کو ریلیف فراہم کرنے کی پوری کوشش کر رہی ہے۔ٹوئٹر پر جاری اپنے بیان میں مریم نواز نے کہاکہ وزیر اعظم لوڈ شیڈنگ میں کمی کے لیے سر توڑ کوشش کر رہے ہیں،انشااللہ آنے والے دنوں میں بہتری آئے گی۔انہوں نے مزید کہا کہ عمران حکومت کے آئی ایم ایف سے ظالمانہ معاہدے آج بھی قوم مہنگے پیٹرول اور بجلی کی صورت میں بھگت رہی ہے،ہمیں عوام کی تکلیف کا احساس ہے۔