کراچی(آن لائن)انٹر بینک اور اوپن مارکیٹ میں جمعہ کو ایک بار پھر پاکستانی روپیہ ڈالر کے دبا ؤکا شکار ہو گیا جس کی وجہ سے ڈالر مہنگا ہو گیا اور اسکی قدر197روپے سے بڑھ کر198روپے پر جا پہنچی۔فاریکس ایسوسی ایشن آف پاکستان کی رپورٹ کے مطابق

جمعہ کو انٹر بینک میں روپے کے مقابلے ڈالرکی قدر میں 45پیسے کا اضافہ ریکارڈ کیا گیا جس سے ڈالر کی قیمت خرید 197.60روپے سے بڑھ کر198.15روپے اور قیمت فروخت197.80روپے سے بڑھ کر198.25روپے ہو گئی اسی طرح مقامی اوپن کرنسی مارکیٹ میں 90پیسے کے نمایاں اضافے سے ڈالر کی قیمت خرید 196.50روپے سے بڑھ کر197.40روپے اور قیمت فروخت197.50روپے سے بڑھ کر198.40روپے ہو گئی۔فاریکس رپورٹ کے مطابق یوروکی قدر میں 1.30روپے کا اضافہ ریکارڈ کیا گیا جس سے یوروکی قیمت خرید209روپے سے بڑھ کر210.30روپے اور قیمت فروخت211.50روپے سے بڑھ کر212.80روپے ہو گئی اسی طرح 30پیسے کے اضافے سے برطانوی پونڈ کی قیمت خرید 245.50روپے سے بڑھ کر246.30روپے اور قیمت فروخت248.50روپے سے بڑھ کر248.80روپے ہو گئی۔