چین نے پاکستان میں کھارے پانی کو پینے کے قابل بنانے کیلئے پلانٹ لگانے کا اعلان کر دیا
اسلام آباد(این این آئی) چینی ناظم الامورپانگ چن شوئے نے کہاہے کہ کھارے پانی کو پینے کے قابل بنانے کیلئے پلانٹ لگائے جائیں گے۔
اسلام آباد میں تقریب سے خطاب کرتے ہوئے چینی ناظم الامور نے کہا کہ سی پیک کے ذریعے پاک چین تعلقات کو نئی جہت ملی،
میڈیا کی خبروں کے ذریعے چین پاکستان تعلقات میں مزید تعاون کو فروغ دیا جاسکتا ہے۔چینی ناظم الامورپانگ چن شوئے نے کہا کہ سی پیک منصوبوں پر 25ارب ڈالر سے زائد کی سرمایہ کاری ہوئی اور سرمایہ کاری سے پاکستان کے روڈ انفراسٹرکچر میں بہتری آئی ہے،
تین ہزار سولر پینلز گوادر میں توانائی کے بحران پر قابو پانے کیلئے دیئے گئے ہیں۔ انہوں نے کہاکہ معاشی اور اسٹرٹیجک تعلقات کو مضبوط بنانے کیلئے روابط کو بڑھایا جارہا ہے جبکہ پاکستان میں کھارے پانی کو پینے کے قابل بنانے کیلئے پلانٹ لگائے جائیں گے۔
