پشاور (این این آئی)پشاورڈیولپمنٹ اتھارٹی میں 14 ارب روپے سے زائد کی مالی بے ضابطگیوں کا انکشاف ہوا ہے۔آڈٹ رپورٹ کے مطابق صرف منظور نظرافراد کو ٹھیکوں کی مد میں خزانیکو ایک ارب سے زائدکا نقصان ہوا ،شاہراہوں کی تعمیرپر مختص بجٹ سے ایک ارب 26 کروڑ 60 روپے اضافی خرچ کیے جائیں گے۔رپورٹ کے مطابق اتھارٹی نے 2 ارب 73 کروڑ 10 لاکھ روپے کے بلاجواز اخراجات کیے ، رپورٹ میں ریٹائرڈ ملازمین کی کنسلٹنٹ کی خدمات حاصل کرنے پر ایک کروڑ روپے کے نقصان کی بھی نشاندہی کی گئی ہے۔رپورٹ میں بتایا گیا کہ کمرشل یونٹس کی انسپکشن نہ کرنے سے خزانیکو ایک ارب 19 کروڑ 24 لاکھ روپے کا نقصان اٹھانا پڑا۔