اوٹاوا(نیوز ڈیسک)آپس میں جڑی 2 بہنوں نے ڈاکٹروں کی تمام ترتوقعات کے برخلاف نہ صرف چلنا ، بات کرنا سیکھ لیا بلکہ وہ ایک دوسرے سے لڑتی بھی ہیں ۔ کینیڈا کے علاقے ویرنون سے تعلق رکھنے والی 7 سالہ بہنیں ایک دوسرے سے دماغ اور کھوپڑی شیئر کرتی ہیں اور جب ان کی پیدائش ہوئی تھی تو ان کے والدین کو خبردار کیا گیا تھا کہ ان کے زندہ بچنے کا امکان نہیں ۔ مگر یہ کر شماتی بچیاں کرسیٹا اور ٹیٹیا نا ڈاکٹر وں کے دعوﺅں کے برخلاف اپنے اسکول کے ہم جولیو ں جیسی زندگی سے ہی لطف اندوز ہورہی ہیں ۔ ان کی والدہ فیلیسیا کے مطابق یہ بچیاں اسکول جانے ، کارٹون دیکھنے اور کیک کھانے کی شوقین ہیں ۔ ان کے مطابق یہ ہمیشہ خوش باش رہتی ہیں اور اپنے والد برینڈ ن اور دیگر بہن بھائیوں کو بھی اپنی خوشی میں شریک کرتی ہیں ۔ فیلیسیا کا کہنا تھا کہ ان کے ساتھ ہرچیز کو دیکھنا آپ کے سر کو چکر انے کیلئے کافی ثابت ہوتا ہے اگر چہ یہ مشکل کام ہے مگر میں اسے تبدیل نہیں کرسکتی اور میں ایسا چاہتی بھی نہیں ۔ ماں اور باپ کو ان بچیوں کی پیدائش سے پہلے بتایا گیا تھا کہ ان کی ہونیوالی اولادین آپس میں جڑی ہوئی ہے اور ان کا مستقبل غیر یقینی ہے تاہم فیلیسیا نے اسقاط حمل سے انکار کردیا تھا اور انہوں نے اپنی کرشماتی بچیوں کو خوش آمدید کہنے کی تمام تر تیار کرلی ، جنہیں دیکھ کر اب ڈاکٹر زدنگ رہ جاتے ہیں ۔ دلچسپ بات یہ ہے کہ یہ دونوں بچیاں ایک دوسرے کی آنکھوں سے بھی دنیا کو دیکھ سکتی ہیں بلکہ اپنے جذبات کو شیئر کرتے ہوئے ایک دوسرے کے احساسات کو محسوس بھی کرسکتی ہیں ۔ اپنے اعضا ءکو کنٹرول کرنے کیساتھ یہ دونوں ایک دوسرے کی ٹانگوں اور بازﺅں کو بھی کنٹرول کرسکتی ہیں مگر اس سے بھی حیرت انگیز بات یہ ہے کہ دونوں کی شخصیت ایک دوسرے سے بالکل مختلف ہے ۔ ان کی ماں کے مطابق گذشتہ برسوں میں ٹیٹیان نمایاں لیڈر کے طورپر ابھر ی جبکہ کرسیٹا خاموش مزاج اور اپنے آپ میں مگن رہنے والی بچی ہے ۔ خیال رہے کہ دماغ ایک دوسرے سے جڑے ہونے کی وجہ سے ان بچیوں کو ایک دوسرے سے الگ کرنا ممکن نہیں ۔