فیصلہ ہوچکا ہے کہ عمران خان کو حکومت نہیں ملے گی، نجم سیٹھی

31 مئی‬‮ 2022 |

اسلام آباد (مانیٹرنگ ڈیسک )نجی ٹی وی پروگرام میں سینئر تجزیہ کار نجم سیٹھی نے کہا ہے کہ فیصلہ یہ ہو چکا تھا کہ لندن میں پیٹرول کی قیمتیں نہیں بڑھائے گی اور یہ گھر آجائیں گے اور الیکشن میں جیت کر جب آئیں گے تو پھر آئی ایم ایف کیساتھ اس مسئلے کو حل کریں گے ۔

جب یہ لندن سے واپس آئے تو یہی لگ رہا تھا کہ اگلے دو دن میں حکومت جارہی ہے ۔ نجم سیٹھی کا کہنا تھاکہ عمران خان نے جب دھرنا کال کیا تو عدالتوں نے انہیں اجازت دے دی اس وقت ایسے ہی لگتا تھا کہ اسٹیبلشمنٹ ، عدالتیں عمران خان کیساتھ ملیں ہوئی ہیں ۔ یہ ڈیٹ لینا چاہ رہی ہیں اور یہ کامیاب ہو جائیں گی اس کے بعد اتحادی حکومت نے فیصلہ کیا کہ اگر اس صورتحال کے بعد اگر ہم گھر چلے جاتے ہیں تو یہی تاثر جائے گا کہ ہم ہار گئے ہیں اور عمران خان کی وجہ سے گھر چلے گئے ہیں ۔ عمران خان لانگ مارچ کیساتھ ڈی چو ک پہنچ گئے ، تب انہیں پتہ چلا کہ فیصلہ ہو چکا ہے ، اسٹیبلشمنٹ نیوٹرل ہی رہے گی پھر ان سے کسی نے آکر کہا کہ دس جون کے بعد ہم اس گورنمنٹ سے کوئی اعلان کروا دیں گے مگر ابھی کوئی اعلان نہیں کر وا سکتے ، کیونکہ ابھی آئی ایم ایف کیساتھ بات چیت چل رہی ہے ، ابھی ایک بجٹ بھی آنا ہے ، تو آپ مہربانی کریں واپس چلے جائیں ،دس کے بعد آپ سے کوئی بات ہو سکتی ہے یا دیکھیں کہ صورتحال کیا بنتی ہے ، اس وقت خان صاحب کے پاس کوئی چارہ نہیں تھا لیکن وہ یہ کہہ کر واپس چلے گئے کہ میں تو چھ دن سے زیادہ نہیں دوں گا ۔ نجم سیٹھی کا کہنا تھا کہ فیصلہ ہو چکا ہے کہ عمران خان کو حکومت نہیں ملے گی ۔ اس حوالے سے معروف صحافی صدیق جان نے نجم سیٹھی کے بیان ’’فیصلہ ہوچکا ہے کہ عمران خان کو حکومت نہیں ملے گی کہا ہے کہ ’’(مشترکہ ترجمان امپورٹڈ حکومت،حکومت کو لانے والے)۔‘‘ مزید ویڈیو میں ملاحظہ کریں