اسلام آباد (مانیٹرنگ ڈیسک) عمران خان کی جانب سے تحریک انصاف کے کارکنوں کو ڈی چوک پہنچنے کی کال دی گئی تھی جس پر کارکنوں کی ایک بڑی تعداد ڈی چوک پہنچ گئی اس موقع پر کارکنوں نے ایک کینٹینر بھی گرا دیا تھا، پولیس کی جانب سے شدید شیلنگ کی گئی جس کے نتیجے میں تحریک انصاف کے کئی کارکنوں کی حالت خراب ہو گئی،شیلنگ سے کارکن منتشر ہو گئے تھے لیکن دوبارہ کارکن اکٹھے ہو گئے ہیں اور پولیس کی جانب سے شیلنگ کا سلسلہ بھی دوبارہ شروع ہو گیا ہے، کارکنوں نے یہاں موجود درختوں کو آگ لگائی جس کی وجہ سے میٹرو اسٹیشن کے ایک حصے کو آگ لگ گئی ہے۔