ملتان (این این آئی) سابق وزیر داخلہ شیخ رشید احمد نے کہا ہے کہ پنجاب میں گور نر راج لگایا جائے ، امپورٹڈ حکومت کو لانے والوں نے سمجھا عمران گھر بیٹھ جائے گا، عمران خان تم سب لوگوں کو گھر بھیجے گا،اس وقت ملک میں2وزیراعظم،2وزیرخارجہ،

2وزیرخزانہ اور دو وزیر توانائی ہیں، صرف ایک ووٹ کا فرق ہے ، عمران خان اس اسمبلی سے دوبارہ وزیراعظم منتخب ہوسکتے ہیں۔جلسے سے خطاب کرتے ہوئے عوامی مسلم لیگ کے سربراہ شیخ رشید احمد نے کہا کہ ڈاکو، چور اور بے ایمان پر (آج) ہفتہ کو فرد جرم عائد ہو سکتی ہے۔انہوںنے کہاکہ امپورٹڈ حکومت کو لانے والوں نے سمجھا عمران گھر بیٹھ جائے گا، عمران خان تم سب لوگوں کو گھر بھیجے گا، اس وقت ملک میں2وزیراعظم،2وزیرخارجہ، 2وزیرخزانہ اور دو وزیر توانائی ہیں، عمران خان جو بھی فیصلہ کرے گا شیخ رشید حاضر ہے، صرف ایک ووٹ کا فرق ہے ،عمران خان حکم کرے تو دوبارہ وزیراعظم بنادوں، عمران خان اس اسمبلی سے دوبارہ وزیراعظم منتخب ہوسکتے ہیں۔عوام کے نعروں پر جواب دیتے ہوئے انہوں نے کہا کہ ٹائم نہیں ڈیزل کا ذکر چھوڑ دو، عمران خان میرا لیڈر ہے، میں عمران خان سے مطالبہ کرتا ہوں پنجاب میں گورنر راج لگایا جائے۔ پی ٹی آئی اراکین کو استعفیٰ دینے پرسلیوٹ کرتا ہوں، عمران خان کو کہتا تھا ایمرجنسی لگاؤ، عمران خان کے لیے جان بھی قربان کرنا پڑی توکروں گا۔