اسلام آباد (این این آئی)وزیر خزانہ مفتاح اسماعیل نے کہا ہے کہ آئی ایم ایف کیساتھ مثبت بات چیت جاری ہے،بہت جلد معاشی صورتحال میں تبدیلی کیلئے پر امید ہیں۔ ٹوئٹرپر اپنے بیان میں وفاقی وزیر نے کہاکہ آئی ایم ایف کے ساتھ مثبت بات چیت جاری ہے،ہم بہت جلد معاشی صورتحال میں تبدیلی کیلئے پر امید ہیں۔ انہوں نے کہاکہ اپریل کے ماہ میں کرنٹ اکاؤنٹ خسارہ 623 ملین ڈالر ریکارڈ ہوا، کرنٹ اکاؤنٹ خسارہ مالی 9 مہینوں کی اوسط سے نصف سے بھی کم ہے،یہ بیرونی استحکام کے لیے بہت اچھی علامت ہے۔واضح رہے کہ وزیراعظم شہباز شریف نے دس جون کو وفاقی بجٹ قومی اسمبلی میں پیش کرنے کی منظوری دے دی ہے، باقاعدہ نوٹیفکیشن بھی جاری کر دیا گیا ہے۔