لاہور( این این آئی)رواں سال کا پہلا مکمل چاند گرہن آج( پیر)کو ہوگا جس کا امریکہ، یورپ اور دیگر حصوں میں مشاہدہ کیا جائے گا۔محکمہ موسمیات کے مطابق مختلف ممالک میں چاند گرہن کا آغاز پاکستانی وقت کے مطابق صبح 6 بج کر 32 منٹ پرہوگا۔مختلف ممالک میں پاکستانی وقت کے مطابق صبح 9 بج کر 13منٹ پرچاند کو گرہن عروج پرہوگا اور چاند گرہن کا اختتام پاکستانی وقت کے مطابق دوپہر11بجکر51منٹ پر ہوگا۔محکمہ موسمیات کے مطابق چاند گرہن کا مشاہدہ پاکستان میں نہیں کیا جائے گا جبکہ امریکہ، یورپ، افریقہ اور ایشیا ء کے کچھ حصوں میں چاند گرہن دیکھا جاسکے گا۔