اسلام آباد(مانیٹرنگ ڈیسک/این این آئی )پشاور کے علاقے سربند میں نامعلوم افراد کی فائرنگ سے دو سکھ شہری ہلاک ہو گئے۔پولیس کے مطابق موٹر سائیکل سوار حملہ آور فائرنگ کر کے فرار ہو گئے جن کی تلاش کے لیے کارروائی کا آغاز کر دیا گیا ہے۔ دوسری جانب پشاور میں دو سکھ تاجروں کے قتل کے خلاف سکھ برادری نے احتجاجی مظاہرہ کیا ۔ مظاہرین نے خیبر پختونخوا اسمبلی چوک میں احتجاج کرتے ہوئے ملزمان کی گرفتاری کا مطالبہ کیا۔ پشاور کے علاقے سربند میں نامعلوم ملزمان کی فائرنگ سے قتل ہونے والے دو سکھ تاجروں کے قتل کے خلاف سکھ کمیونٹی نے صوبائی اسمبلی کے باہر لاشوں کو رکھ کر احتجاجی مظاہرہ کیا ۔ مظاہرین نے خیبر پختونخوا حکومت کے خلاف نعرہ بازی کی ۔ مظاہرین کا کہنا تھا کہ سکھ برادری کی ٹارگٹ کلنگ کے واقعات پشاور میں بڑھ گئے ہیں ۔ وزیر اعظم شہباز شریف اور وزیر اعلی خیبر پختونخوا اْن کو تحفظ اور انصاف فراہم کریں ۔ مظاہرین نے قاتلوں کی گرفتاری کا بھی مطالبہ کیا۔۔