مکہ مکرمہ(این این آئی)متحدہ عرب امارات کے صدر شیخ خلیفہ بن زاید آل نہیان کی غائبانہ نماز جنازہ مسجد الحرام اور مسجد نبوی میں ادا کی گئی۔ غائبانہ نماز جنازہ میں لاکھوں سعودی شہری اور مقیم غیرملکی اور عمرہ زائرین شریک ہوئے۔سعودی خبر رساں ایجنسی کے مطابق شاہ سلمان بن عبدالعزیز نے مسجد الحرام اور مسجد نبویؐ میں امارات کے صدر شیخ خلیفہ بن زاید آل نہیان کی غائبانہ نماز جنازہ ادا کرنے کی ہدایت جاری کی تھی۔ صدارتی امور کی وزارت نے شیخ خلیفہ بن زاید ال نہیان کے انتقال پر 40 روزہ سرکاری سوگ کا اعلان کیا ہے۔ قومی پرچم سرنگوں رہے گا۔