اسلام اآباد( آن لائن ) ترجمان پی ڈی ایم حافظ حمداللہ نے کہا ہے کہ پی ڈی ایم اسٹیبلشمنٹ کونیوٹرل دیکھناچاہتی تھی اور چاہتی ہے ۔آئینی حدود میں رہ کر کردار اداکرنا ہی نیوٹریلٹی ہے ،عمران اینڈ گوگی گینگ کی اصل پریشانی نیوٹریلٹی ہے ۔ اپنے ایک بیان میں
حافظ حمداللہ نے کہا کہ گوگاخان اینڈگوگی گینگ کی خواہش ہے کہ فوج نیوٹرل نہ رہے،انکی خواہش ہے انکی سرپرستی جاری رکھ کر موجودہ حکومت کا خاتمہ کیا جائے ۔عمران نیازی خود کو حق پرست اور وفادار جبکہ باقی سب کو باطل اورغدار سمجھتے ہیں اداروں کے خلاف بیان بازی کا مقصد انہیں اپنی حمایت پر مجبور کرنا ہے عمران نیازی چاہتے ہیں کہ ریاست کا چوکیدار ریاست کانہیں بنی گالہ کی چوکیداری کرے ،وہ چاہتے ہیں کہ توشہ خانہ چوری فارن فنڈنگ گوگی جوگی گینگ اورآئین شکنی میں انکے پول نہ کھلے جائیں لیکن پی ڈی ایم اور پوری قوم اسٹیبلشمنٹ کو آئینی حدود میں رہ اپنی آئینی زمہ داری پوری کرنے کی خواہش مند ہے ۔حافظ حمداللہ نے کہا کہ اسٹیبلشمنٹ کے نیوٹریلٹی کے فیصلے کوقدرکی نگاہ سے دیکھتی ہے موجودہ حکومت کی ترجیحات میں انتخابی اصلاحات ساتھ جلد از خلد انتخابات شامل ہیں پی ڈی ایم اورمتحدہ اپوزیشن آپکی حکومت کے خاتمے کے بعد آپکو سیاسی میدان میں بھی ووٹ سے شکست فاش دینگے اب آپ کی کمک کے لئیے فون کال آئیگی نہ پہاڑی مخلوق کی کمک ۔
