لندن (این این آئی)لندن میں سابق وزیر اعظم نوازشریف کے بیٹے حسن نواز کے دفتر کے باہر ن لیگ اور پی ٹی آئی کے کارکن آمنے سامنے آگئے، ن لیگ اور پی ٹی آئی کے کارکنوں نے ایک دوسرے کے خلاف نعرے لگائے ۔ تفصیلات کے مطابق پاکستان تحریک انصاف کے لوگ لندن میں حسن نواز کے دفتر کے باہر جمع ہوئے تو اس کے جواب میں مسلم لیگ ن کے کارکن بھی جمع ہوگئے جس کے بعد دونوں جانب سے ایک دوسرے کے خلاف نعرے بازی کی ۔وزیر اعظم شہباز شریف اور مسلم لیگ ن کے سینئر رہنما اس وقت لندن میں موجود ہیں، وزیراعظم شہباز شریف اور ن لیگ کے سینئر رہنماؤں کی اْس وقت نواز شریف کے ساتھ ملاقات جاری تھی۔

موضوعات:آمنے سامنے