کراچی (آن لائن )پیداوار میں کمی کے باعث ملک میں گندم کے بحران کا خدشہ ہے۔ چئیر مین سیریل ایسوسی ایشن آف پاکستان مزمل چیپل کے مطابق رواں سال گندم کی پیداوار میں کمی کو پورا کرنے کے لیے درآمد پر انحصار بڑھ گیا۔ ابتدائی اطلاعات کے مطابق رواں سال 22سے 23 ملین ٹن گندم کی پیداوار ہوئی ہے۔ملکی کھپت 30 ملین ٹن تک ہے۔رواں سال 7 سے 8 ملین ٹن کی کمی کا تخمینہ ہے۔بین الاقوامی منڈی میں بھی گندم کی قیمت بڑھ رہی ہے۔ بین الاقوامی منڈی میں گندم کی قیمت 500 ڈالر پر ٹن ہو گئی ہے۔ انہوں نے بتایا کہ فوری طور پر درآمدی پالیسی بنا کر گندم بحران کو روکا جا سکتا ہے۔انہو ں نے کہا کہ نجی شعبے کو درآمد کی اجازت دی جائے تا کہ گندم کے ممکنہ بحران کو روکا جا سکے۔پیداوار میں کمی کے باعث حکومتی اداروں کو بھی گندم کی خریداری مکمل کرنے میں دشواری کا سامنا ہے