لاہور(مانیٹرنگ، این این آئی) سماء نیوز نے ایک خبر چلائی جس میں دعویٰ کیا گیا کہ بشریٰ بی بی نے عمران خان سے طلاق لینے کے لئے عدالت میں کیس دائر کر دیا حالانکہ اس بشریٰ بی بی کا تعلق گجرات سے تھا اور اتفاقاً اس کے شوہر کا نام بھی عمران خان تھا،
اس شہباز گل نے ردعمل دیتے ہوئے اپنے ٹوئٹر پیغام میں کہا کہ آج ہماری تاریخ نے صحافت کے نام پر ایک اور بے غیرتی دیکھی، گجرات سے تعلق رکھنے والی خاتون جس کا نام بشریٰ بی بی ہے اس کی طلاق کی خبر کو خاتون اول کے ساتھ جوڑا گیا، بے غیرتوں کو شرم نہیں آتی کہ عمران خان کی مخالفت میں کیا ہر بشریٰ نام کی ماں بیٹی پر حملہ آور ہوں گے، آخر میں انہوں نے لکھا کہ شرم کرو بے غیرتو شرم کرو۔ انہوں نے اپنے ٹوئٹ میں کہا کہ کوئی تو غیرت مند ہو گا ان اداروں میں کیا ان کا فرض نہیں ایسے بے غیرت لوگوں کا محاصرہ نہیں کرنا چاہیے، ڈریں اس دن سے جس دن پبلک آپ کا احتساب کرے گی۔ دوسری جانب پاکستان تحریک انصاف کے رہنماڈاکٹر شہباز گل نے کہا ہے کہ دو سے تین دن کے لئے نجی کام کے سلسلے میں ملک سے باہر جا رہا ہوں۔سماجی رابطے کی سائٹ ٹوئٹر پر جاری بیان میں انہوں نے اپنے ملک سے باہر جانے کا بتاتے ہوئے کہا کہ اس لئے بتاکرجا رہا ہوں، کہیں یہ نہ سمجھ لینا بھاگ رہا ہوں۔عمران خان کے ساتھ کھڑا تھا اور کھڑا رہوں گا۔عید کے بعد اب دمادم مست قلندر ہوگا۔شہباز گل نے کہا کہ ان شاللہ خان کے ساتھ پہلی قطار میں کھڑا ہو کر اس امپورٹڈ کو شکست دیں گے۔
