فلوریڈا(نیوز ڈیسک) اورلینڈو کے قریب واقع ویکیوا دریا میں تیراکی کرنے والی خاتون کا بازو ایک مگرمچھ نے نگل لیا۔ رپورٹ کے مطابق 37سالہ خاتون کی تاحال شناخت نہیں ہو سکی۔عینی شاہد دیبرخ موریس نے میڈیا سے گفتگو کے دوران بتایا کہ مگرمچھ نے خاتون کی بازو کہنی سے اوپر تک کاٹ کھائی تھی۔ موریس نے مزید بتایا کہ مگرمچھ نے بازو مکمل طور پر الگ کر لی تھی۔ سکائی نیوز کے مطابق دریا میں کشتی رانی کرنے والےے ”کایاکرز“ نے اپنے چپوں سے مگرمچھ پر پے در درپے وار کے خاتون کو اس کے چنگل سے آزاد کرایا۔ آرلینڈو سینٹینل کی رپورٹ کے مطابق کایاکرز خاتون کو کنارے تک لائے جسے بعد ازاں آرلینڈو ریجنل میڈیکل سینٹر لے جایا گیا۔فلوریڈا فش اینڈ وائلڈ لائف کمیشن کے ترجمان نے میڈیا سے بات چیت کرتے ہوئے بتایا کہ اگرچہ دریا پر مگرمچھ کے حملے سے متعلق عوام کو خبر دار کیا گیا ہے تاہم اس علا قے میں مگر مچھ کا یوں حملہ کرنا غیر معمولی امر ہے۔ انھوں نے مزید بتایا کہ بعد ازاں اس مگر مچھ کو پکڑنے کے بعد ہلاک کر دیا گیا ہے