اسلام آباد (آن لائن) ترجمان پی ڈی ایم حافظ حمداللہ نے کہا ہے کہ عمران نیازی پاوں پڑنے رونے دھونے اور منتیں ترلے سے آپ کی کرسی نہیں بچے گی۔ اپنے بیان میں انہو ں نے کہا آپ کی بادشاہت اور جھوٹ نے پاکستان کو بحرانستان بنادیا ہے۔ ملک میں مہنگائی بیروزگاری معاشی سیاسی ادارہ جاتی اور آئینی و قانونی بحران عروج پر ہے، انہو ں نے کہا دوست ممالک کے ساتھ دوستانہ تعلقات کا بحران ایک الگ داستان ہے۔ انہوں نے کہا تحریک عدم اعتماد آئینی راستہ ہے جس سے آپ کی بادشاہت کا خاتمہ کرینگے۔ انہوں نے کہا خان صاحب مبینہ اور غیر مستند خط کا سہارا لیکر ہیرو بننے کی ناکام کوشش نہ کرو۔ انہو ں نے کہا تحریک عدم اعتماد واپس لینے کا سوال ہی پیدانہیں ہوتا،پاکستان کو بحرانوں سے نکالنے کا واحد حل عمران نیازی کی رخصتی میں ہے۔

موضوعات:حافظ حمداللہ