واشنگٹن(این این آئی)امریکی ریاست انڈیانا میں ایک کسان پر اپنی اہلیہ کو قتل کرنے کا الزام عائد کیا گیا ہے، مقتولہ نے چھاتی کے سرطان سے بچنے کے لیے کیمو تھراپی مکمل کی تھی۔غیر ملکی خبر رساں ادارے کے مطابق 41 سالہ الزبتھ نکی نے شوہر سے طلاق کا مطالبہ کیا تھا جس پر ان کے شوہر اینڈریو ولہائٹ نے ان کے چہرے پر بڑا سا سیمنٹ کا بنا پھولوں کا گملا مار کر قتل کردیا تھا۔ تفتیش کے دوران مقتولہ کے شوہر نے پولیس کو بتایا کہ وہ اہلیہ کی لاش کو ٹرک میں ڈال کر اپنے فارم پر لے گیا جہاں اسے قریب ایک نالی میں پھینک دیا تھا۔اس کا دعوی ہے کہ اسے اپنی اہلیہ کے مبینہ افیئر کا پتا چل گیا تھا۔اس نے مزید کہا کہ وہ اپنی 12 سالہ شادی کو بچانا چاہتا تھا مگر اہلیہ نے طلاق کا لیگل نوٹس بھیج دیا تھا۔الزبتھ نکی کے دوست کا کہنا تھا کہ نکی نے گزشتہ ہفتے ہی اپنی کیمو مکمل کی تھی، وہ زندہ رہنے کے لیے کینسر سے لڑ رہی تھی اور اپنے بچوں کو بڑا ہوتے دیکھنا چاہتی تھیں۔