اسلام آباد(آئی این پی) قومی اسمبلی کے اجلاس1947ء سے اب تک کہا ں کہاں سے منعقد ہوئے،’’آئی این پی ‘‘کی رپورٹ کے مطابق پاکستان کی پہلی آئین ساز اسمبلی کا اجلاس 10اگست 1947کو سندھ اسمبلی بلڈنگ کراچی میں ہوا،دوسری آئین ساز اسمبلی کا وجود 28مئی 1955کو عمل میں آیا اور اجلاس کراچی میں ہوئے ہیں،1956ء کو ملک کا پہلا آئین بنایا گیا،7اکتوبر 1958ء کو جنرل ایوب خان نے مارشل لاء لگایا جس کے بعد وفاقی دارالحکومت کراچی سے اسلام آباد منتقل کردیا گیااس کے کے بعد نیا آئین بنایاگیا اور جس کے تحت بننے والی قومی اسمبلی کا پہلا اجلاس 8جون 1962ء کو ایوب ہال راولپنڈی میں منعقد ہوا جہاں اب فاطمہ جناح وویمن یونیورسٹی ہے،بعد ازاں سقوط ڈھاکہ کے بعد قومی اسمبلی کا پہلا اجلاس 14اپریل 1972ء کو سٹیٹ بنک بلڈنگ اسلام آباد میں ہوا،بعد ازاںاسمبلی نے 1973 کے متفقہ آئین کی منظوری دی،ضیاء الحق کے مارشل لاء کے بعد قومی اسمبلی کا پہلا اجلاس موجودہ پارلیمنٹ ہائوس کی عمارت میں 20مارچ 1985ء کو ہوا۔