اسلام آباد (این این آئی)سابق صدر آصف علی زرداری سے پی ٹی آئی رہنما سردار یار محمد رند کی دو روز میں دوسری ملاقات ہوئی جس میں موجودہ سیاسی صورتحال پر گفتگو کی گئی۔ ذرائع کے مطابق دونوں رہنماؤں کے درمیان رات گئے ہونے والی ملاقات ڈیڑھ گھنٹہ جاری رہی، ملاقات میں ملکی سیاسی صورت حال پر تفصیلی تبادلہ خیال کیا گیا۔پاکستان پیپلز پارٹی کے چیئرمین بلاول بھٹو زرداری بھی سردار یار محمد رند سے آصف زرداری کی ملاقات میں شریک ہوئے۔خیال رہے کہ دو روز قبل بھی سردار یار محمد رند نے آصف علی زرداری سے ایک ملاقات کی تھی۔