لاس اینجلس(نیوز ڈیسک) لاس اینجلس کو فراہم کئے جانے والے پانی کے ذخیرے میں سیاہ رنگ کی کروڑوں گیندیں شامل کی گئی ہیں جنہیں خشک سالی سے بچنے کا طریقہ کہا جارہا ہے۔
لاس اینجلس میں حالیہ خشک سالی کے بعد شہر کے پانی کو محفوظ رکھنے کے لیے ایک انوکھی تدبیراختیار کی گئی ہے جس کے تحت 9 کروڑ 30 لاکھ پلاسٹک کی گیندیں کیلیفورنیا میں 75 ایکڑوسیع رقبے پرپھیلے پانی کے ذخائر میں شامل کی گئی ہیں، پلاسٹک کی یہ سیاہ گیندیں پانی کو گرد، بارش، کیمیکل، جنگلی حیات سے بچانے کے ساتھ ساتھ سورج کی شعاعوں کوروکیں گی اوراسے بخارات بننے سے بچائیں گی اوریوں سالانہ 30 کروڑگیلن پانی کی بچت کی جاسکے گی۔
ماہرین کے مطابق گیندیں ایک جگہ جمع ہوکر رکاوٹ بنیں گی اور جنگلی پرندوں اور دیگر ا?لودگیوں سے پانی کو محفوظ رکھیں گی۔ شہر کے میئر نے اس کاوش کو سراہتے ہوئے کہا کہ اس سے سے پانی کے معیار کو بھی بہتر بنانے میں مدد ملے گی۔