فیصل آباد (این این آئی) تھانہ مدینہ ٹائون کے علاقہ وائی بلاک میں گھریلو جھگڑے پر سسرالیوں نے گلے میں پھندا ڈال کر ایک بچے کی ماں کو موت کے گھاٹ اتار دیا، پولیس نے خاوند سمیت، ساس، سسر سمیت 7افراد کے خلاف مقدمہ درج کر کے تفتیش شروع کر دی۔ تفصیل کے

مطابق مرزا نعمان بیگ نے پولیس رپورٹ میں بتایا کہ اسکی ہمشیرہ تابینہ بیگ کی شادی کچھ عرصہ قبل عبدالصمد بیگ سے ہوئی ان کے ہاں ایک بیٹا پیدا ہوا جو حیات ہے جبکہ تابینہ بیگ کا خاوند روزگار کے سلسلہ میں سعودی عرب گیا ہوا تھا، تاہم مذکورہ خاتون کا سسرالیوں سے اکثر جھگڑا رہتا تھا اور گزشتہ روز اس کی ہمشیرہ تابینہ نے فون کر کے بتایا کہ اسکی ساس شمیم کو اس کے شوہر کا فون آیا ہے کہ اسکو قتل کر دو جس پر وہ اپنی ہمشیرہ تابینہ بیگ کے گھر مدینہ ٹائون وائی بلاک پہنچا تو اس کے سسرالیوں نے گلے میں پھندا ڈال کر موت کے گھاٹ اتار دیا تھا اور اس کی نعش گھر میں پڑی تھی۔ واقعہ کی اطلاع ملتے ہی مدینہ ٹائون پولیس موقع پر پہنچ گئی اور نعش تحویل میں لیکر پوسٹ مارٹم کیلئے ہسپتال پہنچایا اور قانونی کارروائی عمل میں لاتے ہوئے مقتولہ کے شوہر عبدالصمد کی ایماء پر سسرالیوں ساس شمیم بیگ، سسر نصیر بیگ، دیور سبحان بیگ، بلال بیگ، نند اقصیٰ بیگ اور اسرا بیگ کے خلاف قتل کا مقدمہ درج کر کے تلاش شروع کر دی۔