اسلام آباد (این این آئی)یوکرین کے سفیر مارکیان چیچک نے کہا ہے کہ یوکرین میں شدید جنگ جاری ہے، روسی افواج بچوں کے کنڈر گارڈن اور اولڈ ہومز کو بھی نشانہ بنارہی ہیں، پاکستانی طلبہ کے انخلا میں تعاون کررہے ہیں۔پریس کانفرنس سے خطاب کرتے ہوئے

یوکرین کے سفیر مارکیان چیچک نے کہاکہ جب آپ کے اہل خانہ جنگ میں ہوں، اسوقت ایک سفیر کے طور پر خطاب مشکل ہے، یوکرین میں شدید جنگ جاری ہے، 28 فروری تک متعدد سویلین ہلاک ہو چکے ہیں۔ انہوںنے کہاک ہروسی افواج نے بچوں کے کنڈر گارڈن اور اولڈ ایج ہومز کو بھی نشانہ بنایا ہے، عالمی عدالت انصاف میں روسی مظالم کے خلاف درخواست جمع کروا دی، ہم تمام ممالک کے شکر گزار ہیں جو کہ ہماری اپنی سالمیت کی کوششوں میں ہماری حمایت کر رہے ہیں۔انہوں نے کہا کہ پاکستان اہم تجارتی شراکت دار ہے، گزشتہ برس یوکرین نے پاکستان کو 1.3 ملین ٹن گندم فراہم کی، یوکرینی حکومت پاکستانی طلبہ کے محفوظ اور ہموار انخلاء کو یقینی بنا رہی ہے۔ انہوںنے کہاک ہغیر ملکی طلبہ کیلئے سرحدوں پر کیٹرنگ پوائنٹس قائم کیے گیے ہیں، مہاجرین کی تعداد 50 لاکھ ہو سکتی ہے۔مارکیان چیچک نے کہا کہ پاکستان کے افغانستان سے یوکرینی شہریوں کے انخلاء کیلئے مخلص تعاون پر شکر گزارہیں، پاکستان اور یوکرین کے وزرائے خارجہ کشیدگی میں کمی کے لیے مسلسل رابطے میں ہیں، اگر معاملہ یہاں نہ روکا گیا تو دنیا میں تیسری عالمی جنگ ناگزیر ہو جائے گی۔