اسلام آ باد(نیوز ڈیسک) فیڈرل بورڈ آف ریونیو کی جانب سے ٹیکس گوشوارے جمع کرانے کی آخری تاریخ کا اعلان کردیا گیا ، تنخواہ دار طبقے کو اکتیس اگست اور غیر تنخواہ دار افراد کو تیس ستمبر تک ٹیکس گوشوارے جمع کرانا ہوں گے ، ایف بی آر ٹیکس وصولی کا دائرہ کا ربڑھانے کیلئے کوششیں جاری ہیں ، ایف بی آر کے مطابق رواں مالی سال جولائی میں گذشتہ مالی سال کے مقابلے میں چھ فیصد زائد ٹیکس وصول کیاگیا ، گذشتہ ماہ ایک سو چالیس ارب روپے ٹیکس وصول کیا گیا جبکہ سال دو ہزار چودہ پندرہ کے پہلے ماہ میں ایک سو تینتیس ارب روپے وصول کئے گئے ، ایف بی آر مقررہ تاریخ تک گوشوار ے جمع نہ کروانے والوں کو نوٹسز جاری کریگا، تنخواہ دار افراد کیلئے اکتیس اگست اور غیر تنخواہ دار افراد کو تیس ستمبر تک ٹیکس ریٹر نز جمع کرانے کی مہلت دی گئی ہے ۔