روم (این این آئی)اٹلی میں انسانوں کی اسمگلنگ کرنے والے ایک مصری ملزم کو گرفتار کر لیا گیا ہے، جس کی بحیرہ روم کے راستے لیبیا سے تقریبا تین سو تارکین وطن کو یورپ پہنچانے کی کوشش میں

سات بنگلہ دیشی باشندے سمندر میں ٹھٹھر کر ہلاک ہو گئے۔غیرملکی خبررساں ادارے کے مطابق پولیس نے بتایا کہ اس مصری باشندے پر شبہ ہے کہ اس نے شمالی افریقہ میں لیبیا کے ساحلوں سے سینکڑوں افراد کو غیر قانونی طور پر بحیرہ روم کے راستے انتہائی پرخطر حالات میں یورپ پہنچانے کا اہتمام کیا۔ اس دوران متعدد تارکین وطن کھلے سمندر میں سردی سے ٹھٹھر کر ہلاک ہو گئے۔ ملزم نے ایک خستہ حال کشتی میں پناہ کے متلاشی 287 تارکین وطن کو یورپ کی طرف سمندری سفر پر روانہ کیا تھا۔ ریسکیو کیے گئے تمام زندہ افراد انتہائی بری حالت میں تھے جبکہ سات بنگلہ دیشی تارکین وطن سردی سے ہلاک ہو چکے تھے۔