اسلام آباد (مانیٹرنگ ڈیسک /این این آئی )ن لیگ کی نائب صدر مریم نواز کو خاتون ورکرکا ساتھ چلنا ناگوار گزرا ؟۔ تفصیلات کے مطابق سوشل میڈیا پر مریم نواز کی ایک ویڈیو وائرل ہو رہی ہے جس میں ایک خاتون ان کیساتھ چل رہی ہے ، مریم نواز نے خاتون سے کہا ہے کہ یا تو آپ آگے چل لیں یا پھر پیچھے ہو جائیں ، ساتھ ن لیگ کی نائب صدر نے سیکییورٹی اہلکاروں کو خاتون کو
خود سے دور کرنے کا کہا ۔ ویڈیو کو لے کر سوشل میڈیا پر کافی بحث چل رہی ہے کچھ افراد کا کہنا ہے کہ ایک لیڈر کو اپنے ساتھ چلنے والے ورکر کیساتھ ایسا سلوک نہیں کرنا چاہیے جبکہ وہیں کچھ صارفین کا کہنا ہے کہ ہو سکتا ہے کہ کرونا وباء کے پیش نظر مریم نواز اس خاتو ن کو سماجی فاصلہ رکھنے کو کہہ رہی ہیں ۔دوسری جانب پاکستان مسلم لیگ (ن) کی نائب صدر مریم نواز نے وزیراعظم عمران خان اور بل گیٹس کے درمیان ہونے والی ملاقات کی تصویر شیئر کرتےہوئے کہاہے کہ غیرملکی مہمان کو اس طرح سے بٹھانا بد تہذیبی اور تکبر ہے۔ تفصیلات کے مطابق بل گیٹس نے وزیراعظم ہاؤس میں عمران خان سے ملاقات کی جس میں انسدادِ پولیو مہم اور کورونا کی روک تھام کے حوالے سے گفتگو کی گئی۔اس حوالے سے وزیراعظم ہاؤس کی جانب سے عمران خان اور بل گیٹس کی ملاقات کی تصویر جاری کی گئی جس میں دیکھا جاسکتا ہے کہ وزیراعظم اپنی نشست پر براجمان ہیں جبکہ میز کی دوسری طرف بل گیٹس بیٹھے ہوئے ہیں۔پاکستان مسلم لیگ (ن) کی نائب صدر مریم نواز نے اس بیٹھک پر اعتراض کیا ہے۔ٹوئٹر پر جاری پیغام میں مریم نواز نے کہا کہ کسی غیرملکی مہمان (dignitary) کو اس طرح سے بٹھانا بد تہذیبی اور تکبر ہے۔
نون لیگی ورکرز کی یہ عزت ہے مریم صفدر کی نظر میں
pic.twitter.com/7dWBTsYXNc— Azhar Mashwani (@MashwaniAzhar) February 17, 2022
