لاہور( این این آئی)مسلم لیگ (ن) اسیر رہا ئی کمیٹی برائے اظہار یکجہتی قا ئد کے سیکر ٹری اطلاعا ت، ممبرپی ڈی ایم رابطہ کمیٹی لاہور محمد سلیم ر ضا نے کہا ہے کہ ہوائوں کا رخ تبد یل ہوچکا حکومتی پتنگ کسی بھی وقت کٹ سکتی ہے، محب وطن عوام دوست سیاسی جماعتیں

عمران حکومت کے خلاف عدم اعتماد لانے کیلئے اکٹھی ہو رہی ہیں، پی ٹی آئی حکومت نے 4سال اپوزیشن پر الزام لگانے میں ضائع کر دیئے۔ اپنے بیان میں انہو ں نے کہاکہ موجودہ حکومت معاشی حالات بہتر بنانے کی بجائے مزید بیگاڑ رہی ہے حکومتی معاشی اقدامات ناکام ثابت ہوئے ہیں اپنوں کو نوازنے اورغریب طبقات کو مسائل کی دلدل میں دھکیلنے والے کونسا حق حکمرانی ادا کررہے ہیں؟، ملک کا ہر طبقہ پریشان حال ہے نواز لیگ کے دور میں خوشحالی کی طرف بڑھتے پاکستان کوموجودہ حکمرانوں کی طرف سے اندھیروں کی نذر کردیا گیاہے۔انہو ں نے کہاکہ مسلم لیگ ن واحد سیاسی جماعت ہے جو عوام کے ایشوز پر سیاست کر رہی ہیں نواز شریف حقیقی جمہوری رہنما ہیں ، بجلی، گیس، پٹرول کے نرخوں میں اضافے سے عوام پر مہنگائی کے بم گرائے جا رہے ہیں وقت آگیا ہے کہ اب عوام حکمرانوں کیخلاف سڑکوں پر نکلیں ۔