راولپنڈی(این این آئی)وفاقی حکومت نے ملک بھر کے وکلا کو صحت کارڈ جاری کر دیا۔تفصیلات کے مطابق وزیراعظم کے مشیر بابراعوان سے ہائیکورٹ بارپنڈی کے وفد نے ملاقات کی وفد کی قیادت ہائیکورٹ بارراولپنڈی کے صدرعبدالرزاق ایڈووکیٹ نیکی۔ملاقات میں بابراعوان نے کہا کہ صحت کارڈ پر ہر وکیل اور اس کا خاندان سالانہ 10لاکھ تک علاج کرا سکتا ہے

مفت علاج کی یہ سہولت یورپ اورامریکامیں بھی حاصل نہیں۔بابراعوان نے کہا کہ حکومت کا اقدام ملک کو فلاحی ریاست بنانیکی طرف اہم قدم ہے وکلا کی عزت وتکریم اوردیکھ بھال حکومت کی ذمہ داری ہے۔ان کا کہنا تھا کہ راولپنڈی بار میری اپنی بار ہے جس سے میری جذباتی وابستگی ہے ہم نیوکلا کو صحت کارڈکا اجرا ہائیکورٹ بار راولپنڈی سے کیا ہے۔